اشهر 5 تطبيقات اندرويد لهذا الاسبوع
.بإذن الله كل اسبوع هنكون على موعد مع 5 تطبيقات مرشحين كأفضل تطبيقات خلال الاسبوع مع شرح مبسط لمميزات كل تطبيق و امكانياته
play store اضغط على صورة التطبيق علشان تنزله من
Android auto
الاسبوع دا جوجل بتقدملنا واحد من احدث التطبيقات الي هيساعدك على استخدام موبايلك بدون ما تمسك الموبايل خالص. اندرويد اوتو مصمم علشان يساعدك على قيادة آمنة لان استخدام الموبايل وانت ع الطريق ممكن يسبب كوارث.
اندرويد اوتو بيساعدك تستخدم خرائط جوجل علشان يدلك على طريقك من خلال ارشادات وانت سايق او يقولك حالة الطريق و ممكن تشات بدون ما تستخدم ايدك و ممكن كمان تعمل مكالماتك و كل دا و انت ايدك على عجلة القيادة
Swipes
كتير مننا بيحتاج لتطبيق لتنظيم الوقت لكن مش كل التطبيقات بتشد المستخدم زي تطبيق زوبس بنوافذ سهلة الاستخدام و شكل جذاب هيساعدك تحدد اهدافك اليومية و يسهل عليك تحقيقها.
من مميزات زوبس انك تقدر تحدد وقت لكل مهمه او هدف و التطبيق هينبهك في وقتها ويتيحلك امكانية تأجيل المهمة.
كمان ممكن تشوف الاهداف المحققة على مدار الوقت و تحدد مستوى اهمية كل مهمة
غير انه بيتيحلك تحدد مجموعه مهام ضمن تاج معين
Big time
اذا كنت شايف نفسك محظوظ بننصحك تحمل تطبيق بيج تيم الي بمجرد انك تنزله و تلعب بعض الالعاب عليه بيخليك تفوز بتذاكر لدخول مسابقة جايزتها بتوصل لآلاف الدولارات لفائز محظوظ اسبوعيا.
بس خليك فاكر انك كل ما تلعب اكتر كل ما تكسب تذاكر اكتر و كل ما تزيد فرصتك في الفوز.
سجل دخولك يوم الاحد صباحا من كل اسبوع علشان تعرف اذا كنت انت الفائز
المحظوظ ...بس متنساش لينا نسبه في الجايزة ;)
Snapi
لو كنت من هواة التصوير او بالاخص السيلفي سناب هيكون التطبيق المفضل ليك.
سناب بيخليك تاخد صور بكاميرة موبايلك بدون ما تحتاج لحد يصورك ولا تحتاج تمسك الموبايل ..بحركة واحده بإيدك وانت بعيد عن الموبايل هيلقط الصورة لوحده
ممكن كمان تظبط الوقت الي الموبايل يلقط فيه الصورة بعد حركة ايدك سواء ثانيتين او اكتر دا غير اعدادات سهله تانيه علشان تاخد احلى سلفي بدون سلفي ستيك .
Chromatik
تطبيق كروماتيك تطبيق لهواة العزف على الالات الموسيقية لأنه بيتيحلك النوته الموسيقية لكل اغنيه حابب تعزفها و كمان بيساعدك في العزف عن طريق أوتوماتيك سكرول دون بحيث متحتاجش تقلب الصفحة و انت بتعزف ^_^ و كمان لو حابب
تسمع الاغنيه الاصلية ممكن تسمعها قبل ما تعزفها
مصدر : موقع androidandme
كاتب : احمد يسري
الأنترنت عندنا في مصر
غالي جدا ، بطئ ببشاعة ، خدمة عملاء زي الزفت - شاركنا ضد سوء الخدمه و غلائها
Nice :)
ReplyDelete