اشهر 5 تطبيقات اندرويد لهذا الاسبوع (العدد الثاني)

اشهر 5 تطبيقات اندرويد لهذا الاسبوع

زي ما وعدناكم ان كل اسبوع هيكون معانا 5 تطبيقات على قائمة اشهر التطبيقات خلال الاسبوع النهاردة هنقدملكم 5 تطبيقات خرافة!!

Adobe sign & fill

https://play.google.com/store/apps/details?id=com.adobe.fas&hl=en

الشركة الامريكية ادوبي بتقدملنا الاسبوع دا تطبيق مفيد جدا في الشغل و خصوصا البيزنس الي بيحتاج تعاملات ورقية كتير.

زي ما بيقول اسم التطبيق املأ ووقع. التطبيق بيمكنك انك تحول الاوراق الفعلية لنسخ الكترونية تملاها و توقعها و تبعتها عن طريق الانترنت و بيخليك تستغنى عن الفاكسات و الطباعة و الذي منه.

Layout for Instagram

لو كنت من محبي مشاركة الصور عن طريق برنامج انستجرام لاي اوت فور انستجرام هيساعدك في تصميم صورك بشكل انيق و جذاب.

ابهر اصدقائك بتصميماتك عن طريق تطبيق مش محتاج منك اي مجهود او ابداع.

Nuzzel

تطبيق نازيل هوا للناس الي بتستعمل اكثر من شبكة تواصل اجتماعي. بمجرد انك توصل شبكاتك ببعضيها زي الفيس بوك و تويتر هيجيلك البوستس كلها مجمعة في مكان واحد من اصدقائك الي بتتابعهم او صفحاتك المفضله في خلال ثواني.

Fast and furious: Legacy

https://play.google.com/store/apps/details?id=com.kabam.ff7

بتحب العاب سباق السيارات؟ يبقى اكيد هتحب فاست اند فيريوس ليجاسي من شركة كابام.

اللعبة بتتيحلك تسابق بإستخدام اكتر من 50 سيارة انيقة مستوحاة من سلسلة الافلام و كمان اللعبة فيها اكثر من نوع سباق هيخليك تحس انك بتسابق ع الطبيعة.
عدل سيارتك و حدثها بإسلوبك الخاص و دوس بنزين J

Alt-C

https://play.google.com/store/apps/details?id=za.co.canobakedbeans.instacopy&hl=en

لو واجهتك صعوبات في انك تنسخ رابط او تكست من الكمبيوتر الشخصي لموبايلك اكيد هتستفيد من تطبيق الت سي .

التطبيق سهل و مريح جدا مجرد ما بتنسخ جملة على الكمبيوتر اوتوماتيكيا هتقدر تعملها لصق في اي مكان في الموبايل بتاعك.
كل الي عليك انك بتنزل التطبيق على موبايلك و بتنزل نسخه الويندوز على الكمبيوتر و بتدخل على الكمبيوتر الكود الي بيظهرلك على الموبايل.
و انسخ و الصق براحتك.

بكدا نكون انتهينا من عدد الاسبوع دا ..لو شايف ان في تطبيق كان يستحق يدخل القائمة راسلني على:

Ay.ag3318@gmail.com